منتديات المصراوية | أخبار مصر | أخبار العالم | اغاني | أخبار الكورة | أخبار الفن | منوعات





الرئيسيةالرئيسية  البوابةالبوابة  بحـثبحـث  التسجيلالتسجيل  دخولدخول  

للتسجيل اضغط هـنـا

ايجي سينما

 تذكرنــي؟ او دخول
أخبار عاجلة

 استقالة محمود سعد من برنامج مصر النهاردة بسبب عدم رغبته فى استضافة شفيق.
 بالفيديو : الضابط الذى اطلق الرصاص على سائق المعادى " كنت أحاول الدفاع عن نفسى.
 عاجل خبر مؤكد بلاغ للنائب العام لفتح تحقيق مع رئيس الوزراء أحمد شفيق.
 شاهدوا حلقة واحد من الناس مع ابراهيم عيسى وخالد يوسف كامله والتي منعت من الاعادة بأمر من أحمد شفيق.
 فيديوهات اضحك مع تصريحات القذافى ومواقفه المثيره.
 جامعة القاهره تعلن تنفيذ حكم اخراج الحرس الجامعى وانهاء جمعية جيل المستقبل التابعه لجمال مبارك.
 بالفيديو - احمد شفيق : محمود سعد استقال بسبب انخفاض اجره الى مليون ونصف.
 نص بيان المجلس الأعلى للقوات المسلحه بالتعديلات الدستوريه النهائيه.
 خاص..معركة الجمل تتكرر في الاتحاد السكندري .. والمجلس يتقدم بإستقالته.


» توفير استقرار ضمان امان كل هذا واكثر فى منتداك مع مصر للاستضافه والتصميم الخميس 10 مارس 2011, 9:43 pm من طرف » شركة سما يونيفرس لاضافة المحتوى، شركة مصرية رسمية الخميس 10 مارس 2011, 12:43 am من طرف » أقوى عروض الاستضافة لعام 2011 { إحجز إستضافة 5 جيجا وهنضيف موقعك فى 100 دليل مجانا } الخميس 03 مارس 2011, 2:16 am من طرف » وأخيراً .... تم مواجهة "العادلى" بتقارير الطب الشرعي المتعلقة بثورة 25 يناير أمام النيابة الثلاثاء 01 مارس 2011, 7:10 pm من طرف » النائب العام يقرر تجميد ارصدة مبارك وأسرته والتحفظ على ممتلكاتهم ومنعهم من السفر الثلاثاء 01 مارس 2011, 7:09 pm من طرف » منع طائرة سوزان وجمال مبارك من الاقلاع ( التفاصيل كاملة ) الثلاثاء 01 مارس 2011, 7:08 pm من طرف » جديد الفيس بوك وتويتر : بلوفر شفيق ( اقرأ اجمل واجمد التعليقات ) الثلاثاء 01 مارس 2011, 7:06 pm من طرف » انباء مؤكدة عن اقالة 4 وزراء من حكومة شفيق خلال ساعات يشمل"الداخلية ,الخارجية,البترول,العدل" الثلاثاء 01 مارس 2011, 7:04 pm من طرف » راقصه مغريبه: القذافى كان يقيم حفلات جنسية بأسم سهرات البونجا بونجا الثلاثاء 01 مارس 2011, 7:02 pm من طرف » ابن عم مبارك : مبارك كان بعيد عن اقاربه فهتفت " فليسقط مبارك" الثلاثاء 01 مارس 2011, 7:01 pm من طرف



تعالو سياحة في أجمل أماكن مصر و حكايتها ( القاهرة,شرم الشيخ, الإسكندرية)




شاطر | 
 

 

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
avatar
مهند
عضو سوبر
عضو سوبر

الجنس الجنس : ذكر

تاريخ التسجيل تاريخ التسجيل : 22/03/2009

المشاركات المشاركات : 421

العمر العمر : 24

الدولة الدولة : مصري

نقاط التميز نقاط التميز : 746



مُساهمةموضوع: تعالو سياحة في أجمل أماكن مصر و حكايتها ( القاهرة,شرم الشيخ, الإسكندرية)    الأربعاء 28 يوليو 2010, 11:27 pm



السلام عليكم :

من غير مقدمات , فكرت في موضوع يبقى مرجع لينا كلنا عن أشهر الأماكن في مصر .

يعني ححاول هنا أحط صور ومعلومات عن كل مكان ممكن يتزار في مصر الحبيبه .

و يا ريت كل واحده زارت مكان برضو وعجبها تحكيلنا عنه هنا

في مواضيع حكون جايبه صورها من جوجل عشان اكملها و في مواضيع حنقلها لو لقيتها كويسة .



القاهرة و أماكن النزهات فيها ( الصفحة الأولى والثانية )

شرم الشيخ وأهم معالمها وأماكن الفسح فيها ( الصفحة الثالثة والرابعة )

الإسكندرية وأهم معالمها وأماكن الفسح فيها ( الصفحة الخامسة و السادسة و السابعة و الثامنة )





1- برج القاهرة :







يصل ارتفاعه إلى 187 متراً و هو أعلى من الهرم الأكبر بالجيزة بحوالي 43 مترا.

يوجد على قمة برج القاهرة مطعم سياحي على منصة دوارة تدور برواد المطعم ليروا معالم القاهرة من كل الجوانب.

ويعد من أبرز معالم القاهرة والذي يقع في منطقة الجزيرة برج القاهرة الذي
يعد تحفة معمارية بناها المصريون على شكل زهرة اللوتس الفرعونية الأصل
رمزاً لحضارتهم التي هي محط أنظار سائحي العالم. ويتكون من 16 طابقاً ويقف
على قاعدة من أحجار الجرانيت الأسواني التي سبق أن استخدمها المصريون
القدماء في بناء معابدهم ومقابرهم وفي هذه الأيام نلاحظ تزايد أعداد
السائحين الذين يذهبون لزيارة البرج والصعود إلى سطحه الذي يطل على
القاهرة بأكملها وبخاصة السائحين العرب الذين يزداد توافدهم إلى مصر في
هذه الأيام وتستغرق الرحلة داخل مصعد البرج للوصول إلى نهايته 45 ثانية
لتشاهد عندما تقف على القمة بانوراما كاملة للقاهرة، الأهرامات، مبنى
التلفزيون، أبي الهول، النيل، قلعة صلاح الدين، الأزهر تشعر وأنت تنظر في
النظارة المكبرة أنك تزور مصر كلها في لحظة واحدة، ليس هذا فقط ولكن يمكن
للأسرة العربية أن تتناول غداءها في أحد مطاعم البرج ففي الطابق 14 وعلى
ارتفاع 160 متراً يوجد المطعم الدائري والذي يدور حول نقطة ارتكاز لترى
القاهرة مع عائلتك في ذلك المطعم الذي يضم 19 منضدة تتسع كل منها لخمسة
أفراد، أيضاً يوجد في الطابق الـ15 كافتريا علوية تستطيع أن تتناول فيها
العصائر والمشروبات وأن تستمتع برؤية القاهرة من أعلى.

والان اليكـم بعض صـور البـرج ..


اولا صوره البرج من اسفل وانت طالع ليه



صـوره وانت جوا البرج من فووق وقاهره المعز تظهر كامله امامك من فوق البرج والبرج يوجد به مكبر






منظر عام للقاهره من فوق البـرج








والان بعض الصور المتفرقه للبرج


















وقيمه الدخول تقريباا 20 جنيـه للمصريين و65 للاجانب

وطبعا ممكن تحتاج تدفع اكثر اذا دخلت الطاعم او اي شيء من اللي فوق البرج.

برج القاهرة تم بناؤه بين عامي 1956 - 1961 من الخرسانة المسلحة على تصميم
زهرة اللوتس المصرية، و يقع في قلب القاهرة على جزيرة الزمالك بنهر النيل.


الرجوع الى أعلى الصفحة اذهب الى الأسفل
avatar
مهند
عضو سوبر
عضو سوبر

الجنس الجنس : ذكر

تاريخ التسجيل تاريخ التسجيل : 22/03/2009

المشاركات المشاركات : 421

العمر العمر : 24

الدولة الدولة : مصري

نقاط التميز نقاط التميز : 746



مُساهمةموضوع: رد: تعالو سياحة في أجمل أماكن مصر و حكايتها ( القاهرة,شرم الشيخ, الإسكندرية)    الأربعاء 28 يوليو 2010, 11:31 pm



2- قلعة صلاح الدين .




الكل يعتقد أن القلعة هي تلك القبة الفضية اللون .. لا .. إنما هذا هو مسجد محمد علي باشا
أما قلعة صلاح الدين فهي في أقصى يمين الصورة .. وهو المبنى المليء بالفتحات .. حيث كانت تتم منه عمليات المراقبة والرماية


قلعة صلاح الدين الأيوبي بالقاهرة، مصر. بناها صلاح الدين الأيوبي في
الفترة 1176 حتى 1183، باستخدام أسرى نورمان. أضاف إليها محمد علي مسجده.
كانت مقراً لحكم مصر منذ عهد صلاح الدين الأيوبي (1183) حتى نقل الخديوي
إسماعيل مقر الحكم إلى قصر عابدين، الذي بناه لهذا الغرض في عقد 1860.
قلعة صلاح الدين الأيوبي تقع في حي القلعة - قسم الخليفة - وقد أقيمت على
إحدى الربى المنفصلة عن جبل المقطم على مشارف مدينة القاهرة.



يحيط بالقلعة عدد من المساجد الأثرية القديمة من أيام الدولة الفاطمية ..
مثل مسجد ابن طولون .. مسجد السلطان حسن الذي كان بمثابة جامعة إسلامية
متكاملة .. ومسجد الرفاعي .. وكل واحد من هذه المساجد يستحق الزيارة وعلى
فكرة مسجد السلطان حسن ده هو المسجد اللي زاره اوباما لما راح مصر .



وليس من سمع كمن رأى، فالقلعة أكبر وأعظم من مجرد مسجد واحد فقط، فهي مكان
غاية في الاتساع يضم العديد من المساجد والمتاحف والآثار والأبواب
والأبراج تحيطها الأسوار من كل جانب.

وسريعا حصر لأهم ما في داخل القلعة :

قصر الجوهرة




قصر الضيافة

جامع محمد على

وهو أشهر معالم قلعة صلاح الدين، وقد رأى محمد على باشا، بعد انتهائه من
بناء قصور القلعة ودواوينها ومدارسها، بناء جامعا كبيرا بالقلعة لأداء
الفرائض ولكي يدفن به بعد مماته، وبدأ العمل في الجامع عام 1830م وفق
تصميم المهندس التركي "يوسف بوشناق" الذى وضع تصميمه على غرار جامع
السلطان أحمد بالأستانة مع بعض التغييرات الطفيفة.










جامع الناصر محمد بن قلاوون



متحف الشرطة

يضم هذا المكان من الأبطال أدهم الشرقاوي وضباط معركة الإسماعيلية ومن
المجرمين خط الصعيد وسفاح الإسكندرية ورايا وسكينة بجانب أغرب البصمات
التي تم تسجيلها في أقسام الشرطة ومجموعة كبيرة من المقتنيات الخاصة
بالبوليس يجمعها متحف الشرطة .


المتحف الحربي





























































المتحف يحتوي على عدة أقسام :

1- قاعة المجد .. وتحتوي على جميع الأحداث التاريخية لمصر منذ العصر الفرعوني حتى حرب السادس من أكتوبر
2- الجناح الفرعوني
3- الجناح الإسلامي
4- قاعة الأسلحة
5- قاعة المدفعية
6- قاعة الحملة الفرنسية
7- صالة الشهداء .. والتي تعرض شهداء مصر منذ حرب 1948 إلى حرب تحرير الكويت
8- صالة العرض المكشوف .. وتعرض أهم المعدات العسكرية من طائرات ودبابات كانت تستخدم في حرب أكتوبر



متحف الحديقة الأثري





حديثا .. تم إنشاء متحف حديقة أثرية مفتوح يضم مجموعة من الآثار الإسلامية
من أعمدة وتيجان وكلج وأزيار من عصور أيوبية ومملوكية وعثمانية ومحمد على
باشا وأبواب ولوحات تذكارية تاريخية.

وتم جلب هذه المجموعة من مخازن المجلس الأعلى للآثار من السلطان حسن وجامع
برقوق والفسطاط ومخازن متحف الفن الإسلامي، وقد تم ترميم المئات من هذه
الآثار التذكارية.



عدل سابقا من قبل مهند في الأربعاء 28 يوليو 2010, 11:34 pm عدل 2 مرات
الرجوع الى أعلى الصفحة اذهب الى الأسفل
avatar
مهند
عضو سوبر
عضو سوبر

الجنس الجنس : ذكر

تاريخ التسجيل تاريخ التسجيل : 22/03/2009

المشاركات المشاركات : 421

العمر العمر : 24

الدولة الدولة : مصري

نقاط التميز نقاط التميز : 746



مُساهمةموضوع: رد: تعالو سياحة في أجمل أماكن مصر و حكايتها ( القاهرة,شرم الشيخ, الإسكندرية)    الأربعاء 28 يوليو 2010, 11:32 pm



3- أهرامات الجيزه :


أهرامات الجيزة تقع بهضبة الأهرامات بمدينة الجيزة (منف أو ممفيس) بمصر
بالضفة الغربية للنيل. بنيت حوالي 2480 - 2550 ق. م، وهي عبارة عن ثلاثة
أهرامات: هرم خوفو وهرم خفرع وهرم منقرع.

ونحب أن نوضح أن هذه الأهرامات هى مقابر ملكية كل منها يحمل اسم الملك
الذى بناه وتم دفنه فيه بعد موته، والبناء الهرمى هنا هو مرحلة من مراحل
تطور عمارة المقابر في مصر القديمة ...







هرم خوفو .



حدى عجائب الدنيا السبع و يشغل مساحه 13 فدان تقريبا و ارتفاعه الأصلى 146
متر وحاليا 137 متر تقريبا و طول ضلع قاعدته 230 متر . أما عن اوزان قطع
الحجاره فتتراوح ما بين طن و ثمانيه أطنان او أكثر.

فالهرم الأكبر عبارة عن جبل صناعي يزن ستة ملايين وخمسمائة ألف طن، ومكون
من أحجار تزن كل منها إثنا عشر طن تقريبا، وهذه الأحجار محكمة الرصف
والضبط إلى حد نصف المليمتر، وهذا بالفعل يستحق كل الإعجاب بالحضارة
المصرية القديمة، ولكن الأمر أكبر من ذلك بكثير، فالهرم هو أحد أكبر
الألغاز التي واجهت البشرية منذ مطلع الحضارة. لقد ادعى الكثير من الناس
أنه مجرد مقبرة فاخرة للملك (خوفو)، ولكن علماء العصر الحالي يعتقدون أن
هذا يعد مثارا للسخرية، فقد تم بناء الهرم الأكبر لغرض أسمى وأعظم من ذلك
بكثير والدليل على ذلك هو تلك الحقائق المدهشة التي يتمتع بها هذا الصرح
العظيم والتي جمعها (تشارلز سميث) في الكتاب الشهير (ميراثنا عند الهرم
الأكبر) في عام 1864م،
















فهل تعلمي ؟

- أن ارتفاع الهرم مضروبا بمليار يساوي 14967000 كم وهي المسافة بين الأرض والشمس،
-والمدار الذي يمر من مركز الهرم يقسم قارات العالم إلى نصفين متساويين تماما،
- وأن أساس الهرم مقسوما على ضعف ارتفاعه يعطينا عدد (لودولف) الشهير (3.14) والموجود في الآلات الحاسبة،
- وأن أركان الهرم الأربعة تتجه إلى الإتجاهات الأصلية الأربعة في دقة
مذهلة حتى أن بعض العلماء اعترضوا يوما بحجة وجود زاوية انحراف ضئيلة عن
الجهات الأصلية، ولكن بعد اكتشاف الأجهزة الإلكترونية الحديثة للقياس ثبت
أن زوايا الهرم هي الأصح والأدق.




و انبهار العلماء بالهرم الأكبر دفعهم لتأليف قصص حول بنائه فمنهم من أدعى
أن من بنوه هم سكان الكواكب الاخرى! و منهم من يحاول بأي شكل ترجيح وقت
بنائه بوجود اليهود في مصر رغم انه في وقت بنائه لم يكن أصلا هناك يهود
والجديده اللي انتشرت في الايميلات صور فوتوا شوب مزيفة لقوم ضخام و يدعون
انهم قوم عاد ( على فكرة ناخد بالنا يا جماعة من الصور العبيطة بتاع
الايميلات دي )

و لكن مؤخرا تم إكتشاف مقابر بناه الأهرام بجوار الأهرام نفسها ....



تيجوا ندخل جوا الهرم ؟؟؟؟؟

انا دخلته في حياتي مره واحده و منصحشي اللي ضهرها بيوجعها تدخله

الممر الهابط داخل الهرم





حجره دفن الملك داخل الهرم






هرم خفرع :

هرم خفرع هو أحد أهرامات الجيزة في مصر. بناه الملك خفرع رابع ملوك الأسرة
الرابعة إبن الملك خوفو ..حكم ست وعشرين سنة . بني الهرم الثاني من أهرام
الجيزة ، وهو أقل ارتفاعا من هرم أبيه(خوفو) . ارتفاعه 136مترا . شيد فوق
مساحة 215 مترا مربعا .وله مدخلان في الجهة الشمالية.ومازال يحتفظ بجزء من
كسوته الخارجية عند القمة .


هرم منقرع :


هرم منقرع أو هرم الملك من كاو رع (منقرع) هو أحد أهرامات الجيزة في مصر.
بناه ابن الملك خفرع. طول كل ضلع من أضلاعه 5،108 متراً وارتفاعه 65.5
متراً، والآن 62 متراً .. و مدخله جهة الشمال . يرتفع 4متر فوق مستوى
الأرض . ويؤدي لممر هابط طوله31 متراً.



أبو الهول

أبو الهول أو سفنكس ظهر في الحضارة المصرية القديمة وبالتحديد الدولة
القديمة، و قد اختلفت الأراء فيما يمثله هذا التمثال ، فالرأي القديم أنه
يمثل الملك خفرع جامعا بين قوة الأسد و حكمة الأنسان ، و الواقع أن
التمثال قد نحت في عهد خفرع إما عن اسم "أبو الهول" و الأشتقاق اللغوي له
، فيبدو ان اصله يرجع إلي الدولة الحديثة حين نزل قوم من الكنعانيين إلي
منطقة الجيزة و شاهدوا التمثال الذي يمثل "حور" وربطوا بينه وبين "هورون"
معبودهم في ذلك الوقت ثم حرف هذا الأسم إلي "حورونا" الذي حرف بدوره إلي
"هول" حيث قاعدة الإبدال بين الحاء و الهاء في اللغة العربية. أما لفظة
"أبو" فيبدوا أنها تحريف للكلمة المصرية القديمة "بو" التي تعني "مكان"





مراكب الشمس

م 1954عند قاعدة الهرم الأكبر بالجيزة ب مصر لوحظ بالصدفة وجود حفرتين
مسقوفتين عند قاعدةهرم خوفو الجنوبية عثر في قاع إحداهماعلى سفينة مفككة
متقنة النحت من خشب الأرز ومتصله ببعضها بالحبال لا ينقص منها أي جزء أعيد
تركيبها فبلغ طولها اربعين مترا سميت بمركب الشمس وسميت سفينة خوفو ومعروف
أن السفن الجنائزية للذهاب لإستعادة الحياة من الأماكن المقدسة في معتقدات
المصريين القدماء





استنوا .....مش حنروح دلوقتي لسه حنستني عرض الصوت والضوء بالليل باذن الله و في الوقت ده تحبوا تركبوا جمل ولا حصان ؟




عرض الصوت والضوء ( رحله مع التاريخ )

تمثل عروض الصوت والضوء بعض العناصر الثقافية والسياحية الجذابة للسائحين
في مصروأنه لمن أبدع الأشياء أن ترى تمثال أبو الهول يقوم بدوره كراوي
أثناء عروض الصوت والضوءالموجودة في الأماكن السياحية التي لا ينساها
السياح.

و يعتمد هذا العرض على الصوت والضوء والموسيقى التصويرية في جو حالم يعود
بالمشاهد إلى أحداث التاريخ القديم وقصة بناء الأهرام وأمجاد الفراعنة.
وتقدم العروض بجميع لغات العالم كل لغة لها يوم معين واللغة العربية تكون يوم الخميس







































































































الرجوع الى أعلى الصفحة اذهب الى الأسفل
avatar
مهند
عضو سوبر
عضو سوبر

الجنس الجنس : ذكر

تاريخ التسجيل تاريخ التسجيل : 22/03/2009

المشاركات المشاركات : 421

العمر العمر : 24

الدولة الدولة : مصري

نقاط التميز نقاط التميز : 746



مُساهمةموضوع: رد: تعالو سياحة في أجمل أماكن مصر و حكايتها ( القاهرة,شرم الشيخ, الإسكندرية)    الأربعاء 28 يوليو 2010, 11:33 pm



4- القرية الفرعونية



هي قرية عندما تدخلها تعتقد أنك رجعت آلاف السنين .. مجتمع غير الذي كنت تعيش فيه
فمنذ اللحظة التي تبدأ فيها التجول بالقارب خلال القنوات التي تخترق
القرية تجد نفسك مستغرقا تماما في مصر الفرعونية ، فأينما وجهت بصرك سوف
تلقى المزيد والمزيد من مشاهد وأصداء مصر القديمة .. حتى أنك تقتنع في
النهاية أنك قد سافرت حقا خلال الزمن إلى ماضي بعيد ورائع

بدأت هذه القرية بحلم .. تخيّل الدكتور حسن رجب بإمكانية إقامة متحف حي
بأشخاص حقيقين يلبسون ما كان موجودا منذ سبعة آلاف سنةوذلك كان عام 1974
بدأ الدكتور بغرس 5000 شجرة من الأشجار التي كانت تتميز بها مصر الفرعونية
.. ثم أحضر بذوراً لنبات البردي .. كل ذلك كي يقترب من صورة الحياة في مصر
الفرعونية منذ آلاف السنين
وشيئاً فشيئاً بدأ الحلم يتحقق .. حتى أصبحت القرية الفرعونية مفتوحة
للزيارات منذ عام 1984 ، وأدخلت عليها بعض الإضافات والتعديلات عام 1992

تتجول الآن في القرية الفرعونية فتجد مجموعة تصنع السفن بنفس طريقة
الفراعنة .. وآخرين يحنطون الموتى .. وآخرين يصنعون الخزف .. وآخرين
يصنعون العسل .. إلخ


كما يوجد بها اليخت نفرتاري الذي يتجول في النيل .. ويمكنك تناول الغداء على ظهره ..


كما يوجد بالداخل حدائق كبيرة للأطفال .. ومحلات لشراء التذكارات .. ومطاعم .. ومتحف إسلامي .. ومتحف بردي

على فكره انا رحتها زمان وانا صغيره وانبسطت فيها ا وي لان فيها مراجيح ومطاعم و رحلة نيلية كمان لاني مفهمتش كتير عن الفراعنة في الوقت ده .











الرجوع الى أعلى الصفحة اذهب الى الأسفل
avatar
مهند
عضو سوبر
عضو سوبر

الجنس الجنس : ذكر

تاريخ التسجيل تاريخ التسجيل : 22/03/2009

المشاركات المشاركات : 421

العمر العمر : 24

الدولة الدولة : مصري

نقاط التميز نقاط التميز : 746



مُساهمةموضوع: رد: تعالو سياحة في أجمل أماكن مصر و حكايتها ( القاهرة,شرم الشيخ, الإسكندرية)    الأربعاء 28 يوليو 2010, 11:35 pm



5- حديقة الأزهر



أحدث وأجمل حديقة في القاهرة .. مقامة على مساحة 30 فدان ، توجد بالقرب من قلعة صلاح الدين .. بحيث يمكنك رؤيتها وأنت في الحديقة
بها مطعمين .. الأول اسمه مطعم القلعة ، والثاني مطعم البحيرة
مطعم القلعة مبني على الطراز المملوكي .. وهو في الجهة اليمنى من الحديقة
أما المطعم الآخر فهو في الجهة اليسرى .. ومقام وسط بحيرة صناعية رائعة

يوجد كذلك في الحديقة مقهى اسمه تريانون .. وهو على هضبة مرتفعة .. تُعتبر أعلى نقطة فيها .. تتخللها نوافير في غاية الجمال


جانب من حارات وممرات الحديقة .. ونظراً لاتساعها وكبر مساحتها فهناك قطار أو ( طفطف ) يلف الحديقة بـ 2 جنيه للفرد








صورة من داخل مطعم القلعة الموجود في الجهة اليمنى من الحديقة ..









البحيرة الصناعية بنافورتها المشهورة





الرجوع الى أعلى الصفحة اذهب الى الأسفل
avatar
مهند
عضو سوبر
عضو سوبر

الجنس الجنس : ذكر

تاريخ التسجيل تاريخ التسجيل : 22/03/2009

المشاركات المشاركات : 421

العمر العمر : 24

الدولة الدولة : مصري

نقاط التميز نقاط التميز : 746



مُساهمةموضوع: رد: تعالو سياحة في أجمل أماكن مصر و حكايتها ( القاهرة,شرم الشيخ, الإسكندرية)    الأربعاء 28 يوليو 2010, 11:37 pm



6- -خان الخليلي


الخليلي، أحد أحياء القاهرة القديمة، وهو يتمتع بجذب سياحي كبير بالنسبة
لزوار القاهرة ومصر بشكل عام. يتميز بوجود بازارات ومحلات ومطاعم شعبية،
كما يتميز بكثرة أعداد السياح واعتياد سكانه عليهم.

ن الخليلي واحد من أعرق أسواق الشرق، يزيد عمره قليلاً على 600 عام،
ومازال معماره الأصيل باقياً على حاله منذ عصر المماليك وحتى الآن.






وإذا كان المثل الشعبي يقول: إن "الرجل تدب مكان ماتحب"، فإن أول دبة على
أرض الخان لابد أن تكون في مقهى الفيشاوي، الذي يزيد عمره عن مائتي عام،




مهرجان البضائع

رتبط بخان الخليلي شبكة الأسواق المحيطة به التّي تتخصّص كلّ منها بسلعةٍ
أو صناعةٍ أو حرفةٍ مُعيّنةٍ. وما يزال خان الخليلي نموذجًا وعنوانًا
للخانات الإسلاميّة.
تعتبر منطقة خان الخليجي بحوانيتها المختلفة متحفا ‏عملاقا يفتح أبوابه
للسائحين على مدار الساعة ليلا في القاهرة القديمة ليشكل في مجمله ‏مركزا
للجذب السياحي لرؤية ما ابدعه الفنان المصري من مصنوعات وصياغات.












كرنفال الزائرات والزائرين لحي خان الخليلي يتداخل مع ملابس مزركشة رصها
أصحاب الحوانيت كنوع من العرض والإغراء والجذب على واجهة المحلات، وتتدلى
مئات وربما آلاف (المسابح) داخل فترينات العرض، أو في أيدى صبية صغار
يعرضون أنواعاً شتى من المسابح،





العطور والبخور
وتسبح في الفضاء روائح جميلة تصل إلى السائح الذي يعبر الزقاق في اتجاه
شارع الموسكي حيث تكثر تجارة العطور العربية والآسيوية والأوروبية، هنا
عطر الملك، والعنبر، والياسمين والفل، مئات وربما الآن زجاجات ذات أشكال
وألوان غريبة تحتوى عطوراً غير مألوفة تتراوح ألوانها ما بين الزيتي في
لون البترول الخام، والأصفر الذهبي، والبنفسجي الممزوج بالعنبر. ونسأل
تاجر يتحدى الزمن بابتسامة عن (الأسانس) الذي يتم تصنيع هذه العطور منه
فقال إن ماأراه من عطور هنا يكاد يكون هو التركيبة الفعلية للعطر بدون
إضافة كحول تذكر إليه



آه على فكرة يا بنات مش دعاية والله بس في عند العطارين الكبار حاجات
حلوووه أوي و رخيصة بالنسبة لسعرها في السعودية مثلا زي المسك و السعد و
غيرها و كريمات رووعة من صنعهم فعلا جميلة .

و طبعا قريب من هذه المنطقه يقع مسجد الحسين و ما حوله من مطاعم متعدده ذات طابع شعبي جميل






و نصيحة كمان من مجرب رز بلبن بالقشطة والمكسرات من المالكي ..............مممممممم يم يم يم
و ممكن أيس كريم بس الرز باللبن أحلى

تيجوا ناكل فطير مشلتت ؟




تعالو هو الأزهر مش بعيد أوي يعني , تعالو نبص عليه






طبعا جامعة الأزهر نفسها مش هنا في مكان تاني عشان الزحممممممة مهو في ,
طلاب مصريين و من كل الجنسيات سبحان الله أشوف الماليزي و النيجيري و
الصيني و من كل بلد بيتعلموا على نفقه الأزهر الشريف ...........ربنا يعيد
الأزهر زي ما كان ياااارب.























































الرجوع الى أعلى الصفحة اذهب الى الأسفل
avatar
مهند
عضو سوبر
عضو سوبر

الجنس الجنس : ذكر

تاريخ التسجيل تاريخ التسجيل : 22/03/2009

المشاركات المشاركات : 421

العمر العمر : 24

الدولة الدولة : مصري

نقاط التميز نقاط التميز : 746



مُساهمةموضوع: رد: تعالو سياحة في أجمل أماكن مصر و حكايتها ( القاهرة,شرم الشيخ, الإسكندرية)    الأربعاء 28 يوليو 2010, 11:40 pm



7- البواخر و النزهات والمطاعم النيلية :



من أجمل الفسح في القاهرة.. التنزه على النيل ..








كثير من سائحي مصر بنهر النيل الذين يصفون مياهه بأنها اعذب مياه في
العالم حتى ان من يشرب منها مرة لا بد ان يعود لمصر مرة اخرى. وقد اثبتت
هذه المقولة صحتها لذلك حرص عدد من المطاعم على اقامة مواقع لها على إحدى
ضفتي النهر بالاضافة الى البواخر والمطاعم العائمة التي تصطحبك في رحلة
تستغرق الساعتين على صفحات نهر النيل مع اعداد ما تشتهي من وجبات تختار
منها ما شئت وبرنامج ترفيهي متنوع بعد يوم عمل شاق أو خلال جولتك السياحية
في القاهرة التي لطالما تمتد حيرتك بين نوع الرحلة النيلية التي تريد ان
تستمتع بها فهناك عدة انواع منها:











1- المطاعم الثابتة (غير المتحركة) المقامة على النيل






2- وهناك البواخر التي تأخذك في رحلة غذاء أو عشاء لمدة ساعتين
3- وهناك مركبة صغيرة أو ما تسمى ب«فلوكة» في رحلة نيلية أنتي تحدد وقتها.
4- تتمشوا على النيل يعني تمشية كدة من غير عربية على الكورنيش أو بالحنطوووووووووووور .





طبعا أنا عمري ما حقدر أعمل حصر لكل المطاعم و البواخر النيلية , لكن انا
حتكلم بس عن المشهور أوي واللي أعرفه و في كتير برضو مشهورين معرفهومشي
عشان كدة اللي راحت مطعم أو باخره نيلية وعجبها يا ريت حتى تقول على اسمه
ومكانه على السريع كدة ,

آه على فكرة معظم صور البواخر من مشاركة بنت في أحد المنتديات اسمها
بنت البحرين و صور الصوت والضوء تقريبا البنت كان اسمها كراميلا أو
كاميليا .

طبعا من أهم البواخر النيلية الثابتة

نايل سيتي و دي أنا اعرفها












هي سفينة ثابتة .. بها عدة مطاعم .. مثل تشيليز ومطعم حلقة السمك ومطعم استوديو مصر للمشويات و هو راااائع جدا جدا .. إلخ
بالإضافة لكافيه في الأعلى جميل جدا ....

السفينة موجودة أمام مبنى الإذاعة والتليفزيون لكن على الجهة المقابلة من النيل

أفضل مطعم فيها في هو استوديو مصر للمشويات , و القعده فوق برضو حلووووة
أوي و الكافية اللي فوق معظم ما يقدمه مشروبات ...آه وفي مينيمام تشارج
طبعا 40 جنية للفرد

************************************************** ****************************


في برضو بواخر كتيييييير في نفس المكان

بلو نايل - السرايا - الباشا - سرابي - سن سيت - فرايدايز


طبعا انا مجربتهاش بس ححط صورها هنا وفيها الثابت وفيها العائم وكلها بصراحة أروووووع من بعض .



بلو نايل و فيهاا مطعم دار القمر المعروف







و فيه المطاعم و الكافيهات التالية



بس فيها مينيمم تشارج في المطاعم حوالي 200 جنية للفرد وفي الكافيه حوالي
50 جنية , و المطعم اللي حاز شهرة فيها هو مطعم لبناني يدعة دار القمر ...
و لم أجربه للإسف بس هناك من يمدحونه من محبي الطعام اللبناني ...

************************************************** ********************************


السرايا







و به المطاعم و الكافيات التالية



و به مينيمام تشارج حوالي 150 جنية في المطاعم ....


السرايا الملكية يكون به أوبن بوفيه على ما أعتقد ...


طبعا الفريدو مطعم إيطالي راقي ..

بينما شامبنيون من اسمه مطعم فرنسي .

************************************************** *********************************
فرايديز






و أشهر ما فيه هو مطعم فش ماركت و كافية جراند كافية و هو أشهر كافيه في
القاهرة على الإطلاق و معروف جدا في الأوساط العربية الزائرة لمصر هو و
فرع المعادي من هذا الكافيه الشهير جدا جدا ...

و الكافية ذو طابع شبابي جميل

************************************************** *********************************
صن ست





و في مطاعم على النيل كتيير برضو بس معرفهاش كلها و من أشهر المطاعم ( واغلاها برضو على ما أسمع لأني مجربتش)

مطعم جراند حياه الدوار




طبعا المطعم بيلف بيدور فعلا و هو الجزء الأزرق العلوي من الفندق وتخيلوا المنظر بأة يبقى عامل ازاي

المطعم من جوا






أكمل بقية النزهات النيلية بعدين يا جماعة لحسن هلكت ........


الرجوع الى أعلى الصفحة اذهب الى الأسفل
avatar
مهند
عضو سوبر
عضو سوبر

الجنس الجنس : ذكر

تاريخ التسجيل تاريخ التسجيل : 22/03/2009

المشاركات المشاركات : 421

العمر العمر : 24

الدولة الدولة : مصري

نقاط التميز نقاط التميز : 746



مُساهمةموضوع: رد: تعالو سياحة في أجمل أماكن مصر و حكايتها ( القاهرة,شرم الشيخ, الإسكندرية)    الأربعاء 28 يوليو 2010, 11:43 pm



و نكمل النزهات النيلية خلينا نخلصها بأه



2- البواخر اللي تأخذنا لرحله غدا أو عشا لمده ساعتين تقريبا




طبعا انا اتكلم على اللي مجرباه الأول وبعدين تجارب الآخرين

الباخرة الفرعونية














روووعة كلمة قليله عليها و انا مبقولشي كده دعاية والله ابدا بس رحلة
نيلية رائعة لمدة ساعتين و مناظر خلابة و غذا أو عشا اوبن بوفيه حلو جدا
جدا و بصراحة كانت من أجمل نزهاتنا على النيل بجد و هيا غالية حبتين لانها
تقريبا ب 120 جنية للفرد( الكلام ده كان من 3 سنين يا جماعة أكيد غليت
دلوقتي يعني تلاقيها دلوقتي ب 180 مثلا ) و فيها رحلة العصر ورحلة بالليل
وبتاعة الصبح احلى لانكم بتشوفوا مناظر حلووووووووه

وبالنسبة لموقعها قبالة فندق الفور سيزون الجديد

و في بأة بواخر تانية مجربتهاش بس بيقولوا عليها حلوووة



الباخره ماركيز التابعة لفندق جراند حياه




ومن بين المطاعم العائمة والرائعة في ذات الوقت على نيل القاهرة تأتي
الباخرة «ماركيز» التابعة لفندق جراند حياة والتي تعد من أحدث يخوت
القاهرة الخاصة، وتمنح روادها تجربة فريدة لتناول أشهى المأكولات عبر
بوفيه مفتوح، فيما يستمتعون بصوت الباند الموسيقي الموجود بها على مدار
الرحلة، يضاف إلى كل هذا استمتاعهم بالرحلة النيلية التي تقوم بها الباخرة
في موعد الغداء الذي يبدأ في الثالثة ظهراً وحتى الخامسة، والعشاء الذي
يبدأ في الثامنة والنصف وينتهي في العاشرة والنصف مساء. وتبدأ الرحلة من
القاهرة إلى ضاحية المعادي التي تقع على بعد 20 كيلومتراً جنوب العاصمة.
حيث تمر في طريقك الى المعادي على العديد من المزارات والاماكن التي
اشتهرت بها القاهرة. فذلك هو حي المنيل الذي يقبع فيه قصر المانسترلي
الأثري الموجود به متحف أم كلثوم، وقصر الأمير محمد علي الذي يعد هو الآخر
تحفة فنية معمارية رائعة في قلب القاهرة. يمكنك أيضاً مشاهدة القرية
الفرعونية المطلة على نيل القاهرة في شارع البحر الاعظم، قد تقع عيناك على
افراد يرتدون الزي الفرعوني ويقومون بأعمال الزراعة والري وصناعة الفخار
في مشهد يعيدك الى عصر الفراعنة. ويتواصل سير الباخرة في نهر النيل حتى
تصل بك الى حي المعادي .

الموقع :- كورنيش النيل – جاردن سيتي – القاهرة .

للحجز والاستعلام :- - (23651234) . ، الفاكس :- (23621927) .

الـــــرحــــلات


الرحلة الاولى ( رحلة الغداء )

موعد الرحلة :- من الساعة 2:30 الى الساعة 4:30

السعر :- 186 جنية للفرد .


الرحلة الثانية ( رحلة العشاء )

موعد الرحلة :- من الساعة 8:30 الى الساعة 10:30

السعر :- 286 جنية للفرد .

و أكيد في بواخر تانية كتير و يا ريت البنات يفيدونا

************************************************** ****************


الباخرة مكسيم






مركب متحرك جميل ... ويتبع لاداره فندق الماريوت .

شارع سرايا الجزيرة – امام فندق الماريوت .

للحجز والاستعلام :- (27388888) . فاكس :- (27371485) .

الــــرحــــلات


موعد الرحلة الاولى :- من الساعة 5:45 الى 7:30

موعد الرحلة الثانية :- من الساعة 8:15 الى 10:00

موعد الرحلة الثالثة :- من الساعة 10:45 الى 12:45

السعر :- يبدأ من 260 جنية الى 346 جنية (نظام منيمم شارج ).


و في بواخر نيلية لمده أربع أيام بس دي ما بين الأقصر لأسوان و على ما
أسمع إنها روووعة وبإذن الله ححاول أتكلم عنها لما تيجي الأقصر وأسوان


الرجوع الى أعلى الصفحة اذهب الى الأسفل
avatar
مهند
عضو سوبر
عضو سوبر

الجنس الجنس : ذكر

تاريخ التسجيل تاريخ التسجيل : 22/03/2009

المشاركات المشاركات : 421

العمر العمر : 24

الدولة الدولة : مصري

نقاط التميز نقاط التميز : 746



مُساهمةموضوع: رد: تعالو سياحة في أجمل أماكن مصر و حكايتها ( القاهرة,شرم الشيخ, الإسكندرية)    الأربعاء 28 يوليو 2010, 11:44 pm



3- الفلوكة

طبعا ده الاسم الشعبي للمركب دي



و دي موجوده على طووول الكورنيش و كل واحد صاحب فلوكة بيبقه راكنها جنب الشط في صف و في طريقتين ناخد بيهم فلوكة

اننا ناخدها خاص لينا لوحدنا لمده ساعة مثلا و في الحالة دي ممكن تتكلف حوالي 80 جنية لمحبي الخصوصية

اننا ناخدها مع ناس راكبين زينا و بصراحة بتبقى مفرحة واجتماعية اكتر و
الفرد تقريبا ب 5 جنية واللي عند كوبري عباس ب 2 جنية دي انا جربتها بس
يادوب عشر دقايق بس انما بتاعت 5 جنية دي حوالي نص ساعة .

وصدقوني يا جماعة للمصريين كمان أد اية بتبقى ممتعه و لذيذه

************************************************** **************


4- التمشية على النيل

على طوول الكورنيش مفيش أجمل من التمشية ومفيش أحلى من المناظر اللي حتشوفوها




و سواء الصبح أو بالليل



حتشوفوا إبداع من الخالق عز وجل ............ النيل




أو لو كنتوا من محبي الحنطوووور زي حالاتي وانا صغيره , برضو حلو على الكورنيش



بالنسبة للسعر مش عارفاه

عموما قاعده عامة لازم نسأل حد تاني عن الأسعار الأول خصوصا في الحاجات اللي أسعارها مش ثابتة زي الحنطور و التاكسي و اللي زيهم

الرجوع الى أعلى الصفحة اذهب الى الأسفل
avatar
مهند
عضو سوبر
عضو سوبر

الجنس الجنس : ذكر

تاريخ التسجيل تاريخ التسجيل : 22/03/2009

المشاركات المشاركات : 421

العمر العمر : 24

الدولة الدولة : مصري

نقاط التميز نقاط التميز : 746



مُساهمةموضوع: رد: تعالو سياحة في أجمل أماكن مصر و حكايتها ( القاهرة,شرم الشيخ, الإسكندرية)    الأربعاء 28 يوليو 2010, 11:45 pm



8- حديقة الميريلاند الترفيهية

حديقة الميريلاند من أكبر حدائق مصر الجديدة .يوجد بها بحيرة وبها تبحر
المراكب الصغيرة ويوجد بها العديد من الاشجار العالية والوارفة الظلال
وتمتد على طول ثلاثة محطات للمترو الذي يمر امامها وهو مترو عبد العزيز
فهمي .

و فيها كمان جنينة حيوانات صغيييرة للأطفال و ألعاب ترفيهية للأطفال و عروض دولفين متميزه و بجع رااائع .

و على فكرة الجنينة حلوة أوي وكبيرة ومليانه من جوة كازينوهات وقعده حلوة أوي بس للأسف مش لاقيالها صور حلوة على النت .



عشان كدة أنا بأة باذن الله حبأه أجيبلكم ليها صور حلوة وأضيفها هنا عشان تشوفوها باذن الله


جانب من ألعاب الأطفال



عروض الدولفين



الرجوع الى أعلى الصفحة اذهب الى الأسفل
avatar
مهند
عضو سوبر
عضو سوبر

الجنس الجنس : ذكر

تاريخ التسجيل تاريخ التسجيل : 22/03/2009

المشاركات المشاركات : 421

العمر العمر : 24

الدولة الدولة : مصري

نقاط التميز نقاط التميز : 746



مُساهمةموضوع: رد: تعالو سياحة في أجمل أماكن مصر و حكايتها ( القاهرة,شرم الشيخ, الإسكندرية)    الأربعاء 28 يوليو 2010, 11:46 pm



9- الملاهي والملاهي المائية

هنا بأة أنا بس حقول على اللي عارفاه لأن في ملاهي كتيييير و في موضوع هنا
حلو كتير شفته فيه حصر لمعظم الملاهي اللي في مصر و الأماكن السياحية

و برضو في هنا موضوع حلو أوي عن دريم بارك و هيا رووووووعة مش حتشبعوا منها وفي كمان مدينة السندباد حلوه بس دريم بارك أحلى


بس في دريم بارك ممكن تدفع فلوس في الأول مرة واحدة وتركبي كل اللي انتي
عايزاه و في تذكرة التوتو للأطفال و التوتال للكبار والفي أي بي لركوب بعض
الالعاب اللي بفلوس و طبعا كل التفاصيل على شباك التذاكر و بداخل المدينة
الترفيهية مطاعم والمسرح و محلات .










و في من الملاهي المائية أكوا بارك وكريزي ووتر و طبعا بيبقى فيها مطاعم و بحيرات وأمواج صناعية








الرجوع الى أعلى الصفحة اذهب الى الأسفل
avatar
مهند
عضو سوبر
عضو سوبر

الجنس الجنس : ذكر

تاريخ التسجيل تاريخ التسجيل : 22/03/2009

المشاركات المشاركات : 421

العمر العمر : 24

الدولة الدولة : مصري

نقاط التميز نقاط التميز : 746



مُساهمةموضوع: رد: تعالو سياحة في أجمل أماكن مصر و حكايتها ( القاهرة,شرم الشيخ, الإسكندرية)    الأربعاء 28 يوليو 2010, 11:47 pm



10- أشهر المولات التجارية

طبعا مفيش أكتر من المولات التجارية العملاقة في مصر عشان كدة أنا ححصر أهما أو اللي أعرفه منها وبس
و يا ريت البنات يشاركونا بتجاربهم



سيتي ستارز مول



أكبر مُجمع في الشرق الأوسط ..
وهو عبارة عن مول وملحق به فندقين 5 نجوم ، هما انتركونتيننتال هيليبوليس وهوليدي إن
بالإضافة إلى عدة أبراج أخرى خاصة بالتجميل وبرج آخر لرجال الأعمال .. إلخ

سيتي ستارز ليس مول فقط .. إنما مجمع سنيمات + فنادق + مركز تجاري

تحت الأرض تجد الجراج الخاص به .. وهو مكون من ثلاثة مستويات ويتسع لأكثر من 4300 سيارة

أما فوق الأرض فهو مكون من 5 طوابق .. 3 منهم للتسوق ، و2 آخرين للترفيه
الطابقين المخصصين للخدمات الترفيهية يشملان : مجمع سينمات يحتوي على 16
شاشة عرض - حديقة عائلية - مركز بولينج - ساحة للطعام - صالات للبلياردو -
إنترنت كافيه - مطاعم متخصصة - معارض عالمية المستوى

وللعلم .. كل هذا داخل المرحلة الأولى فقط .. وباقي مراحل أخرى لم يتم الإنتهاء منها
يصل زوار المول في اليوم إلى 40 ألف زائر من جنسيات مختلفة



جنينة مول
وهو مول موجود في مدينة نصر ..
يحتوي على الكثير من المطاعم والمقاهي وبالذات في الدور الثالث





أركاديا مول
هو مش ضخم أوي يعني زي
سيتي ستارز بس جماله انه على النيل و الفود كورنر بتاعه بيطل على النيل
برضو فالمنظر بيبقى حلووو اوي وطبعا مليان كافيهات و محلات جنان .






طيبة مول

السراج مول

الحرية مول

كايرو مول في شارع الهرم وهو أسعاره كويسة جدا لأنه بسييييط و به سينما في الأعلى و مطاعم و كافيهات

طلعت حرب مول ( و دة شعبي شوية وف وسط البلد و فيه محلات كتير اللي بتبيع كل حاجة ب 2.5 )

؟؟؟ ومش فاكرة الباقيين ممكن حد يساعدني من المتسوقات الماهرات


الرجوع الى أعلى الصفحة اذهب الى الأسفل
avatar
مهند
عضو سوبر
عضو سوبر

الجنس الجنس : ذكر

تاريخ التسجيل تاريخ التسجيل : 22/03/2009

المشاركات المشاركات : 421

العمر العمر : 24

الدولة الدولة : مصري

نقاط التميز نقاط التميز : 746



مُساهمةموضوع: رد: تعالو سياحة في أجمل أماكن مصر و حكايتها ( القاهرة,شرم الشيخ, الإسكندرية)    الأربعاء 28 يوليو 2010, 11:48 pm



11-بانوراما حرب اكتوبر

توجد في طريق صلاح سالم ..
وهي عبارة عن مبنى جميل .. أسطواني الشكل .. على الطراز الإسلامي
تم إنشاؤها بعد حرب أكتوبر مباشرة .. ويتم فيها عرض أحداث حرب اكتوبر المجيدة باسلوب سهل و بسيط من خلال عرض مرئي ممتع .



و بصراحة كل المصريين اللي عندهم اولاد صغيرين لازم يعلموا اولادهم
ويعرفوهم تاريخ بلدهم كويس ومفيش أمتع من طريقة التعليم و السرد دي .


عدل سابقا من قبل مهند في الأربعاء 28 يوليو 2010, 11:49 pm عدل 1 مرات
الرجوع الى أعلى الصفحة اذهب الى الأسفل
avatar
مهند
عضو سوبر
عضو سوبر

الجنس الجنس : ذكر

تاريخ التسجيل تاريخ التسجيل : 22/03/2009

المشاركات المشاركات : 421

العمر العمر : 24

الدولة الدولة : مصري

نقاط التميز نقاط التميز : 746



مُساهمةموضوع: رد: تعالو سياحة في أجمل أماكن مصر و حكايتها ( القاهرة,شرم الشيخ, الإسكندرية)    الأربعاء 28 يوليو 2010, 11:49 pm




12- دار الاوبرا المصرية


دار
الأوبرا المصرية موجودة في الزمالك .. في منطقة الجزيرة ، وهي أحد أهم
المنارات الثقافية في مصر ، أنشئت عام 1988م ، وتم بنائها بدلاً من
الأوبرا القديمة التي احترقت عام 1971 ، والتي عاشت لمدة 102 عام

ويشمل هذا الصرح الثقافي الضخم مسرحاً كبيراً يشمل 1200 كرسي ، بالإضافة
لمسرح صغير لتقديم العروض في المواسم الثقافية ويشمل على 500 مقعد ، وقد
روعي في تصميمه وجود انحناءات في الحوائط لتوزيع الصوت












الرجوع الى أعلى الصفحة اذهب الى الأسفل
avatar
مهند
عضو سوبر
عضو سوبر

الجنس الجنس : ذكر

تاريخ التسجيل تاريخ التسجيل : 22/03/2009

المشاركات المشاركات : 421

العمر العمر : 24

الدولة الدولة : مصري

نقاط التميز نقاط التميز : 746



مُساهمةموضوع: رد: تعالو سياحة في أجمل أماكن مصر و حكايتها ( القاهرة,شرم الشيخ, الإسكندرية)    الأربعاء 28 يوليو 2010, 11:55 pm



شرم الشيخ



تاني مدينة حنتكلم عليها هنا بإذن الله بعد القاهرة و اخترت شرم الشيخ بالذات قبل حتى اسكندرية لعده أسباب منها شهرتها العالمية في الوقت الحالي و اللي خلتها واحده من أجمل أربع مدن في العالم حسب تصنيف البي بي سي لعام 2005

تقع مدينة شرم الشيخ في جنوب سيناء , تبلغ مساحتها 424 كلم 2 و هى أشهر مدينة سياحية فى سيناء تطور فيها النشاط السياحى بدرجة كبيرة فى السنوات الأخيرة وقد بنيت هذه المدينة سنة 1968 وتطورت تطوراً سريعاً حتى أصبحت من أشهر مدن العالم وسميت بمدينة السلام وتكمن أهمية شرم الشيخ فى موقعها عند رأس البحر الأحمر فمن عندها يتفرع إلى خليجى السويس والعقبة مما أدى إلى وجود بيئة أكثر تميزاً هى العنصر الأساسى فى الجذب السياحى .. لذلك توجد بها وحولها أهم المحميات الطبيعية فى رأس محمد ونبق. وأمام شرم الشيخ توجد جزيرتا تيران وصنافير عند مدخل خليج العقبة






ومن أهم مناطقها رأس نصرانى ورأس أم سيد إلى جانب رأس محمد .مزاياها الأخرى التي تنفرد بها طبيعتها الساحرة بجبالها الشاهقة والشواطئ الذهبية والمياه اللازوردية وشعابها المرجانية بأعماقها الساحرة التي تجذب الغواصين والباحثين في اعماق الطبيعة البكر وتصل شعابها الى 250 شعبا مرجانيا وآلاف من الاسماك والمخلوقات البحرية إضافة إلى محمياتها الطبيعية في أبو جالوم ورأس محمد ومحمية نبق و هي محميات طبيعية تحتوي على السمات الجيولوجية والأودية وجبال الجرانيت والكثبان الرملية والطيور النادرة والحيوانات والزواحف والوعول. كما تضم غابة أشجارالمانجروف التي تعتبرموطنا مثاليا لتربية الطيور.
ويستمتع زوار شرم الشيخ بهذه المناظر الطبيعية الأخاذة .














وتعتبر شرم الشيخ من أحدث مناطق الاستجمام والاسترخاء في العالم، وفي خلال عشر سنوات أصبح فيها 150 فندقا أكثرها صممت على أن تكون منتجعا، أي أن الفندق ذاته يغني السائح عن البحث عن المتعة والاستجمام في مكان آخر، فالفندق فيه جميع وسائل الترفيه، وهناك المطاعم الفخمة والتي تسعد السائح بما تقدمه من مأكولات شرقية وغربية، إضافة إلى المقاهي والملاهي التي يحتار السائح في الاختيار بينها، فهي متعددة النشاطات، من ركوب الخيل أو لعب التنس، أو ملاهي الأطفال، إلى التزلج على الماء، أو الغطس أو الغوص أو الرحلات المائية للتمتع بالثروات المائية والطبيعية التي يمكن للسائح ان يشاهدها في البحر وهو على قاربه الزجاجي




الوصول إلى شرم الشيخ : ليس بالامر الصعب، حيث تنظم مصر للطيران رحلات منتظمة من مطار القاهرة الى شرم الشيخ، كذلك شركة الخطوط العالمية، ومن المطار ستجد وسيلة انتقال بسيارات التاكسي أو العربات الخاصة والتي يمكنها أن تنقلك في دقائق معدودة الى الخليج. كما يمكنك الوصول الى شرم الشيخ عن طريق أتوبيس السوبر جيت أو شركة أوتوبيس شرق الدلتا، حيث تنظم رحلات يومية منتظمة الى هناك و على فكرة
الاتوبيس من القاهرة بياخد ست ساعات ونص تقريبا إلى 7 ساعات لكن طبعا المفروض تاخد حوالي ساعة بالطائرة .


بصراحة يا جماعة بجد السياح بيبقوا مبهورين من البحر والمناظر الطبيعية الصبح والسهرات البدوية والعربية بالليل والجو الشرقي الجميل ......



Sharm El-Sheikh is really one of the most beautiful cities I've ever seen. It can't be
described by words, but you must see it for your self. It's really a piece of heaven on
earth, all people there are happy, finally.. all what you hear now can't discribe 1% of
sharm el sheikh



كان هذا تعليقاً لأحد السياح الألمان عندما سُئل عن شرم الشيخ بعد عودته منها
الترجمة :
شرم الشيخ واحدة من أجمل المدن التي رأيتها .. لا يمكنني وصفها بالكلمات
.. بل ينبغي عليك رؤيتها بنفسك .. إنها حقاً قطعة من الجنة على الأرض ، كل
الناس هناك وجدتهم سعداء .. وأخيراً : كل ما سمعته مني الآن لا يغطي 1% من
جمالها
الرجوع الى أعلى الصفحة اذهب الى الأسفل
avatar
مهند
عضو سوبر
عضو سوبر

الجنس الجنس : ذكر

تاريخ التسجيل تاريخ التسجيل : 22/03/2009

المشاركات المشاركات : 421

العمر العمر : 24

الدولة الدولة : مصري

نقاط التميز نقاط التميز : 746



مُساهمةموضوع: رد: تعالو سياحة في أجمل أماكن مصر و حكايتها ( القاهرة,شرم الشيخ, الإسكندرية)    الأربعاء 28 يوليو 2010, 11:58 pm



اهم الاماكن السياحيه في مدينة شرم الشيخ:




1- خليج نعمه :



تعتبر منطقة خليج نعمه المركز الرئيسي لاستقطاب السواح في شرم الشيخ حيث ان منطقة خليج نعمه تتوفر فيها كل ما يلزم السائح من مجمعات واسواق ومطاعم من مختلف الانواع بالاضافه الى الكثير من النوادي الليله ودلك لاستقطاب السائح االاجنبي ,حيث ان منطقة خليج نعمه عندما تتمشى فيها ليلا تشعر وكانك موجود في اوروبا , اما بالنسبه للفنادق الموجوده في منطقة خليج نعمه فندكر منها ( نعمه بي , هلنان , ماريوت الامامي والخلفي,سونستا ,نوفوتيل ,كهرمانه,شرم هوليدي ,نوريا ,الخ...)




و عن تجربه يا جماعه مكاااااااااااان رووووووووعة , تحسي انك في مكان يجمع ما بين اوروبا وشوارعها مع مزيج من الطابع العربي و القعدات العربي وكافيهات ومولز ووو من أجمل ما يكون و عشان ميكونشي بالكلام بس تعالو نشوف مع بعض بالصور

دي بعض صور عامه عن خليج نعمه بوجه عام










فيه مشايتين تمشي بهما ويكون على جانبيهما المحلات التجارية والمقاهي والمطاعم
المشاية أو الشارع الرئيسي في خليج نعمة والذي ستمشي به يسميه السواح بـ : شانزلزيه شرم الشيخ

ها هو شانزلزيه شرم الشيخ وستشعر بأن العالم كله ترك بلاده واجتمع في هذا المكان !



















مش عايزه أقولكم أد أيه التمشيه فيها بالليل بتبقى متعه و محلات الآيس
كريم من كل الأنواع مع الكافيهات و المطاعم و كلها باستايل قعدات عربي و
ديكورات خيااااال





و الكلام ده كله بالليل أو من المغربيه ... الصبح الكل على البحر لدرجة الشارع بيبقى تحفه ....فاضي تماما حتى شوفوا















عموما في خليج نعمه الفسح من أجمل ما يكون عشان كده يستحسن الفندق اللي حنحجز فيه يكون في خليج نعمه و عموما حتى لو الفندق بعيدفجميع الفنادق البعيدة يكون لها باص ينقل السياح من وإلى خليج نعمة مجاناً .. وذلك 4 مرات يومياً في أوقات محددة , وفي موضوع متثبت رووووعة عن معظم فنادق شرم تقريبا و حقولكم في الآخر على كام فندق أربع نجوم من التجربة حلوين وأسعارهم مش بطاله أبدا أبدا و ف قلب خليج نعمه كمان ....


المهم نرجع لموضوعنا


الشوبنج :


في خليج نعمه الشوبنج من ألذ ما يكون لأن محلات الهدايا و التحف في كل مكان غير المولات الكبيرة المتخصصة زي مول خليج نعمه



بس لو عايزين نصيحتي و نفسكم تشتروا سوفونيرز و حاجات كتير يبقى من السوق القديم , أولا لان السعر اقل بكتير ثانيا لانها فسحة تانية جديدة في شرم وحنتكلم عنه بالتفصيلل بإذن الله




البحر


نيجي بأة لأهم حاجة في خليج نعمة وهيا أية ......... البحر طبعا و جماله وروعته ... أروع ميه في الدنيا , ميتشبعشي منها أبدا ... العيب الوحيد في الشواطئ من وجهة نظري هيا إن السياح الأجانب بيبقوا واخدين راحتهم على الآخر زياده عن اللزوم و ده محتاج غض بصر جامد طبعا , بس حتى دي ليها حل لإن السياح كلهم بينزلوا البحر و الشط في عز الشمس عشان يستمتعوا بالشمس اللي محرومين منها و احنا لما نزلنا البحر بعد العصر تقريبا مش عايزه اقولكم كان الشط فاااااضي تقريبا و خدنا راحتنا على الآخر لانه نادرا ما حد بينزل في التوقيت ده الا العرب و المصريين و طبعا لو كنتو حاجزين في فندق بتنزلوا الشط الخاص بالفندق ده بمنتهى السهوله بكارنية الفندق وبس من غير ولا مليم و الستات عادي بتنزل بهدومها بس يا ريت تكون مخصوصه لنزول البحر زي مايوه محجبات مثلا وعليه فستان واسع أو كده و عيشوا بأة لحد المغرب في البحر قمة المتعة و أسأل مجرببببب


















ده غير الجناين اللي في كل مكان في شرم والتمشية بتكون حلوة أوي بالليل





الرجوع الى أعلى الصفحة اذهب الى الأسفل
avatar
مهند
عضو سوبر
عضو سوبر

الجنس الجنس : ذكر

تاريخ التسجيل تاريخ التسجيل : 22/03/2009

المشاركات المشاركات : 421

العمر العمر : 24

الدولة الدولة : مصري

نقاط التميز نقاط التميز : 746



مُساهمةموضوع: رد: تعالو سياحة في أجمل أماكن مصر و حكايتها ( القاهرة,شرم الشيخ, الإسكندرية)    الأربعاء 28 يوليو 2010, 11:59 pm



2- منطقة الهضبة بشرم الشيخ :




دي تاني منطقة حنتكلم عليها في شرم و الهضبة دي من إسمها هضبة مرتفعة و
فيها ملاهي مائية ومحلات و كافيهات و حدائق و متنزهات و على السريع حنحاول
نعمل حصر لأهم مزارات منطقة الهضبة في شرم الشيخ




a-الف ليلة وليلة




اسم على مسمى فعلا بجد ,و هو عبارة عن متنزه ضخم جدا على شكل قصور الف
ليلة وليله و من الداخل قاعات شرقية جميلة كقاعة علي بابا و غيرها و عروض
صوت وضوء مشابهة للي في أهرامات الجيزة مع
ديكور متقارب و عروض خيل و مسرحين وحدائق و نافورات وووو مع الرقصات
البدوية والصعيدية و جو عام شرقي غير عادي و تعتبر من أشهر المتنزهات في
شرم الشيخ و مشهورة جدا للعرب و الأجانب على حد سواء


و الدخول ب 100 جنية للفرد شامل العشاء بس نصيحة تروحوا من بعد العصر لان
فيها مناظر و حدائق حلوة اوي انها تتشاف قبل الليل, بس بجد بيبقى يوم جميل
فعلا








قاعةى على بابا

























المسرح الفرعوني و عروض الخيل والعروض المتنوعة مع عرض الصوت والضوء طبعا











المسرح الثاني بوسط بحيرة صغيرة و عروض شرقية ممتعة











b-aqua park


وطبعا مينفعشي
ميكنشي في شرم ملاهي مائيةوعلى فكرة في أكتر من واحده وفي ملاهي ملحق بيها
فندق خاص وفي واحدة اسمها كليو بارك أسمع برضو انها جميلة جدا






















c-التسوق



برضة
الهضبة مليانه محلات كتير للشوبنج وأهم مول في الهضبة هو مول الميركاتو و
هو يقع بالقرب من الف ليله وليلة ، ومساحته 50 ألف متر مربع ، ويضم أكثر
من 450 محل ومطعم ، وكلها مطاعم وماركات عالمية



الرجوع الى أعلى الصفحة اذهب الى الأسفل
avatar
مهند
عضو سوبر
عضو سوبر

الجنس الجنس : ذكر

تاريخ التسجيل تاريخ التسجيل : 22/03/2009

المشاركات المشاركات : 421

العمر العمر : 24

الدولة الدولة : مصري

نقاط التميز نقاط التميز : 746



مُساهمةموضوع: رد: تعالو سياحة في أجمل أماكن مصر و حكايتها ( القاهرة,شرم الشيخ, الإسكندرية)    الخميس 29 يوليو 2010, 12:00 am





3- السوق القديم








وهو بالفعل السوق التجاري لشرم الشيخ القديمة و بصراحة أرخص أسعار في شرم
كلها سواء محلات الأكل أو الشوبنج والسوفنيرز المختلفةو على فكرة يا جماعة
في هنا فصال أوي أوي أوي بالذات المصريين و انتو
وشطارتكو











و طبعا للي قاعدين في شرم كذا يوم الفاكهة والخضار و العيش و كروت الشحن
بإسعار القاهرة تقريبا و مجموعة من محلات السمك مش بطاله و محل مشويات
اسمه المصريين على ما أذكر جميل وبسيييط جدا وسعره كأنك في القاهرة بجد هو
وكذا محل تاني في السوق القديم








و أجمل ما في السوق القديم واللي خلانه نروحله كذا مرة مش بس الشوبنج بس
كمان في كافيهات حلوة و كمان عروض لفرق شعبية في الكافيهات دي بشكل شبه
يومي و في حته من السوق في آخرها جبل منورينها و جواها شلال والمنظر أية
يا جماعة خيااااااال بس للأسف مش بيبان جمال المنظر الحقيقي في الصور
عالطول بتكون غامقة



يتبع طبعا .....



الرجوع الى أعلى الصفحة اذهب الى الأسفل
avatar
مهند
عضو سوبر
عضو سوبر

الجنس الجنس : ذكر

تاريخ التسجيل تاريخ التسجيل : 22/03/2009

المشاركات المشاركات : 421

العمر العمر : 24

الدولة الدولة : مصري

نقاط التميز نقاط التميز : 746



مُساهمةموضوع: رد: تعالو سياحة في أجمل أماكن مصر و حكايتها ( القاهرة,شرم الشيخ, الإسكندرية)    الخميس 29 يوليو 2010, 12:01 am



4-النزهات في شرم الشيخ


طبعا لسة في أماكن كتيييييير في شرم مرحنهاش زي رأس محمد و جزيره تيران وغيرها وغيرها و عشان كده حنغطي الأماكن دي و إحنا بنتكلم عن النزهات بالتفصيل كنوع من التغيير عن طريقة السرد

و على فكرة يا جماعة الخروجات في شرم مفيش أكتر منها لدرجة ان تقريبا محدش بيعد في الاوتيل خالص و مش محتاجين تكونوا عارفين شرم كويس عشان تعرفوا تستمتعوا لأن عاده الاتويلات نفسها هيا اللي بتنظم النزهات بمقابل طبعا , و اللي أرخص منها كمان الجروبزأو الأشخاص يعني مثلا وإحنا ماشيين في المشاية بتاعت خليج نعمه الف من يعرض عليك كل أنواع النزهات و ممكن بتاخد نمرهم وتقارن الأسعار و تتصل بكل واحد فيهم وتقوله انا عندي سعر كذا وككذا يقوم مرخصلكم السعر كمان لأنهم كلهم بيتنافسو في جذب الناس لرحلاتهم و أحنا المستفيدين طبعا

و انا حقولكم كل خروجة وسعرها للفرد مع ملاحظة أن الأسعار دي من 3 سنين يعني ممكن طبعا تكون غليت شوية بس مش أوي طبعا لأنها فترة مش بعيده للدرجة يعني

الرجوع الى أعلى الصفحة اذهب الى الأسفل
avatar
مهند
عضو سوبر
عضو سوبر

الجنس الجنس : ذكر

تاريخ التسجيل تاريخ التسجيل : 22/03/2009

المشاركات المشاركات : 421

العمر العمر : 24

الدولة الدولة : مصري

نقاط التميز نقاط التميز : 746



مُساهمةموضوع: رد: تعالو سياحة في أجمل أماكن مصر و حكايتها ( القاهرة,شرم الشيخ, الإسكندرية)    الخميس 29 يوليو 2010, 12:02 am



4-1 القارب الزجاجي Glass boat




هيا زي إسمها بالظبط قارب عادي بس أرضيته من الزجاج و ده عشان الناس
تستمتع برؤية السمك و الشعب المرجانية في قاع البحر ... وبصراحة لوحة
جمالية من أروع ما يكون سبحان الخالق العظيم , المهم الرحلة بتاخد تقريبا
ساعتين و بتشوفوا قاع البحر بمنتهى السهولة لأن المية صافيااااااااااااا
لأقصى درجة و الصور اللي أنا ححطها دي من موضوع تاني على النت و برضو
للأسف مش مبينه جمال المنظر زي في الحقيقه إنما مش بطاله عموما

الفرد تقريبا ب 30 جنية ...











آه ممكن كمان غواصة وليها جدار زجاجي بتنزل تحت البحرعشان نشوف قاع البحر
والسمك دي بتبقى غالية أوي من وجهة نظري عشان كدة لا جربتها ولا عندي ليها
صور للأسف

الرجوع الى أعلى الصفحة اذهب الى الأسفل
avatar
مهند
عضو سوبر
عضو سوبر

الجنس الجنس : ذكر

تاريخ التسجيل تاريخ التسجيل : 22/03/2009

المشاركات المشاركات : 421

العمر العمر : 24

الدولة الدولة : مصري

نقاط التميز نقاط التميز : 746



مُساهمةموضوع: رد: تعالو سياحة في أجمل أماكن مصر و حكايتها ( القاهرة,شرم الشيخ, الإسكندرية)    الخميس 29 يوليو 2010, 12:03 am





4-2 رحلة على اليخت إلى جزيره تيران أو رأس محمد



و دي بتبقى في جروبز طبعا و ممكن تأجروا اليخت ليكو لوحدكم لو عيله و
بتبحث عن الخصوصية بس غالي أوي من وجهة نظري تقريبا ب 350 دولار , عموما
الفرد في الرحلة دي من 9 الصبح لحد تقريبا 5 مساء شامل الغذا بيبقى ما بين
120 و 150 جنية على حسب اليخت نفسه والحجز , بس الغدا عادي يعني مش وليمة
طبق خفيف كدا مع قطعتين لحوم أو كفته ومشروب, آه على فكرة رأس محمد أغلى
لأنها أبعد قليلا

تعالو نشوف الرحلة مع بعض خطوة بخطوة



ده مرسى اليخوت طبعا







اليخت في بداية الرحلة





لقطه بس عشان توضع الميه و لونها و صفاءها عامل إزاي





اليخت بياخد ركابه لجزيرة تيران و دي لقطه لسفينه روسية غارقة من زماااان في المنطقة دي






طبعا البروجرام بيبقى عبارة عن رحلة بحرية روعة ومناظر تهبل و يتخللها
فترات توقف في أماكن معينة عشان الجروب يقدر يعوم في المية أو حتى يعمل
سنوركلينج يعني تطفو كدة على وش المية و الواحد على بطنه و معاه نضارة
يشوف بيها قاع البحر و أرجوكم محدش يغلط غلطتي ويقول مبعرفشي اعوم كويس
واخاف انزل أماكن غويطة لأني أتحسرت لما لقيت كتيير لابسين بدل صغيرة على
الصدر بتخليهم يطفو ويعوموا بمنتهى السهولة و ساعة أو ساعتين استمتاع بلا
حدود وسط مية روعة و بعيد عن الشط كمان , بس ربنا لو اداني عمر ورحت تاني
مش حفوتها ابدااااااااااااا باذن الله
















و لو الرحله لرأس محمد تعالو نتكلم عليها شوية



أجمل منطقة طبيعية في العالم حسب تصنيف بعض المجلات الأجنبية .. تحتوي على
أجمل الشعب المرجانية .. ومخلوقات بحرية تعود إلى أكثر من 20 مليون سنة,
وعلى فكرة دي بتحتاج مرشد سياحي يدلنا على الأماكن
السياحية فيها طول الطريق وبعد الوصول لرأس محمد ننزل البحر هناك و حتشوفوا كمية من السمك الملون وبحر من أروع ما يمكن أن تتخيلوا












و تعتبر منطقة رأس محمد وبالذات جنوبا من أجمل مناطق الغطس في العاااالم و اللي مش مصدق يشوف









سبحان الله لوحة فنية بديعة أبدعها مبدع الكون
ما أعظم خلقك ربي


بس يا جماعة ترجعوا الساعة 5 تقريبا هلكانين تعب و تروحوا تناملكم ساعتين
وبلاش كسل عشان نلحق بالليل العشاء البدوي لأنه ميتفوتشي خالص



الرجوع الى أعلى الصفحة اذهب الى الأسفل
avatar
مهند
عضو سوبر
عضو سوبر

الجنس الجنس : ذكر

تاريخ التسجيل تاريخ التسجيل : 22/03/2009

المشاركات المشاركات : 421

العمر العمر : 24

الدولة الدولة : مصري

نقاط التميز نقاط التميز : 746



مُساهمةموضوع: رد: تعالو سياحة في أجمل أماكن مصر و حكايتها ( القاهرة,شرم الشيخ, الإسكندرية)    الخميس 29 يوليو 2010, 12:05 am



4-3 العشاء البدوي


برضو زي ما باين من اسمه هو عشاء في منطقة صحراوية قريبة من شرم و طبعا بيبقى عبارة عن بروجرام , الأول بتاخدنا ميكروباسات صغيره نتجمع في مكان العشا , وتحسوا انكم فعلا رحتو عند البدو الخيم و
القعدات البدوي والجمال والبدو نفسهم موجودين و طبعا الشاي البدوي الرهيب ده اللي مش عارفه بيعملوه ازاي ... المهم الأضاءه كلها بالشموع و النور الضعيف و منظر السما والنجوم سبحان الخلاق العظيم وبعد الشاي والمية واللي بيقدمهلنا بدو يبتدي البروجرام و نشاهد اروع العروض البدويه والرقصات الشرقيه والفولكلور المصرى الاصيل ثم بعدها العشاء بوفيه مفتوح مشويات على الفحم والشواية....

آه تقريبا العشا للفرد حوالي مية جنية


و معلشي يا جماعة والله دي أحسن صور لقيتها لأن الإضاءه بتكون ضعيفة جدا و مش عايزة اقولكم صورنا احنا نفسنا كانت طالعه إزاي .... خيال ناس للأسف


ده الجبل متنور بالشموع





الحمد لله الصورة دي قبل ما الليل ييجي لاحظوا الناس قاعدين على الأرض إزاي








جانب من العروض اللي مش باينة طبعا في الصور








يتبع ..................
الرجوع الى أعلى الصفحة اذهب الى الأسفل
avatar
مهند
عضو سوبر
عضو سوبر

الجنس الجنس : ذكر

تاريخ التسجيل تاريخ التسجيل : 22/03/2009

المشاركات المشاركات : 421

العمر العمر : 24

الدولة الدولة : مصري

نقاط التميز نقاط التميز : 746



مُساهمةموضوع: رد: تعالو سياحة في أجمل أماكن مصر و حكايتها ( القاهرة,شرم الشيخ, الإسكندرية)    الخميس 29 يوليو 2010, 12:06 am



4-4 رحلات السفاري




الشباب و بالذات الشباب العربي بيحبوها أوي و هنا حنقل كلام أحد المشاركين فيها من أحد المنتديات
رحله لا تنسى ومغامره شيقه حيث تبداء رحلتنا ليتقدمنا الجايد ونتبعه الى
داخل صحراء سيناء لرؤيه غروب او شروق الشمس وتغيير الوان الشمس على الجبال
ونقوم بعمل صدى الصوت وبعدها نتوجه الى الخيمه البدوى لشرب الشاى البدوى
الاصيل مع الحبك الشهير ثم بعدها نتوجه للعوده الى نقطه البداية
















4-5 الألعاب المائية المتنوعة





طبعا دي زي الموجوده في معظم شواطئ مصر عادي يعني طبعا البراشوت - البنانا
بوت - التيوب - التزحلق السريع على المياه غير عروض الدولفين المتنوعة











و طبعا دي موجوده في كوووول شرم الشيخ تقريبا

الرجوع الى أعلى الصفحة اذهب الى الأسفل
avatar
مهند
عضو سوبر
عضو سوبر

الجنس الجنس : ذكر

تاريخ التسجيل تاريخ التسجيل : 22/03/2009

المشاركات المشاركات : 421

العمر العمر : 24

الدولة الدولة : مصري

نقاط التميز نقاط التميز : 746



مُساهمةموضوع: رد: تعالو سياحة في أجمل أماكن مصر و حكايتها ( القاهرة,شرم الشيخ, الإسكندرية)    الخميس 29 يوليو 2010, 12:08 am



3- الإسكندرية


ثالث مدن مصر اللي حنتكلم عنها انهاردة و هي عروس البحر الأبيض المتوسط بلا منازع, طبعا بدايه كده ناخد فكره عن تاريخ إنشائها....

طبعا إسم الاسكندرية يرجع إلى صاحب الأمر ببنائها وهو الإسكندر الأكبر بعد دخوله مصر و انتصاره على الفرس سنة 332 ق.م ( يعني الإسكندرية عمرها تقريبا 2342 سنة !!!)

و حاليا هي العاصمة التانية لمصر بعد القاهرة و تاني أكبر مدينة في مصر طبعا , وعدد سكانها 4 مليون نسمه (تعداد سنة 2006 )


تضم الإسكندرية بين طياتها الكثير من المعالم المميزة، إذ يوجد بها أكبر ميناء بحري في مصر هو ميناء الإسكندرية والذي يخدم حوالي 80 ٪ من إجمالي الواردات والصادرات المصرية، وتضم أيضًا مكتبة الإسكندرية الجديدة التي تتسع لأكثر من 8 ملايين كتاب، كما يضم العديد من المتاحف والمواقع الأثرية مثل قلعة قايتباي وعمود السواري وغيرها.













يتبع ............................
الرجوع الى أعلى الصفحة اذهب الى الأسفل
avatar
مهند
عضو سوبر
عضو سوبر

الجنس الجنس : ذكر

تاريخ التسجيل تاريخ التسجيل : 22/03/2009

المشاركات المشاركات : 421

العمر العمر : 24

الدولة الدولة : مصري

نقاط التميز نقاط التميز : 746



مُساهمةموضوع: رد: تعالو سياحة في أجمل أماكن مصر و حكايتها ( القاهرة,شرم الشيخ, الإسكندرية)    الخميس 29 يوليو 2010, 12:09 am




طبعا
إسكندرية مينفعشي يتعملها حصر زيها زي القاهرة .. يعني مينفعشي أقول كل
الأماكن اللي فيها لأنها مدينة مليااااااااااااااااانة مسارح و سينمات
ومطاعم و كافيهات و شواطئ ونوادي وووووو


عشان كده حنحاول نغطي أشهر الحاجات في اسكندرية بتقسيمة مختلفة شوية :





1- الشواطئ ( لأنها طبعا أهم حاجة في إسكندرية البحر والشط )

مش كل الشواطئ بس ممكن ناخد المعموره وميامي و ستانلي و سان استيفانو مثلا ...


2- المنتزه

المنتزه يعتبر شط وفنفس الوقت منطقه حدائق كبيرة وبرضو في قصور تاريخية عشان كدة حنحاول نغطية في توبيك لوحده .

3-كورنيش إسكندرية ( التمشية و المتعة )و كافيهات الكورنيش .

4-الشوبنج و الفسح

* مولات ....... زي مول سان استيفانو طبعا و سيتي ستارز وغيرهم على السريع .
* شعبي ...... زي محطة الرمل وسوق زنقة الستات و غيرهم .
*تغطيه لبعض أشهر المطاعم .
*أشهر الملاهي و النوادي


5-قلعة قايتباي


6-مكتبة الإسكندرية


7- معالم سياحية شهرة

زي المسرح الروماني و عمود السواري و مقابر مصطفى كامل و المتاحف و غيرها .



طبعا مش حتكلم هنا عن الفنادق لأن الموضوع الآخر راااائع ومغطيها كويس
بالذات فنادق الخمس نجوم و ممكن أجيب كام فندق أربع نجوم مش بطالين عن
تجربة و بيطلوا على البحر عالطول وأسعارهم مش بطاله .


يتبع .......................

الرجوع الى أعلى الصفحة اذهب الى الأسفل
 

تعالو سياحة في أجمل أماكن مصر و حكايتها ( القاهرة,شرم الشيخ, الإسكندرية)

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
منتديات المصراوية | بوابة الإبداع المصرية على الانترنت :: القسم السياحي :: منتدى السياحة-

http://i49.tinypic.com/vhgg3a.png

بريدك:

_______________________________________
بعد ان تقوم بادخال بريدك ستصلك رسالة باسم Activateyour Email Subscription اضغط علي الرابط الموجود بداخلها لتفعيل حسابك.

PageRank Checking Icon






الساعة الان  بتوقيت القاهرة

المشاركات المنشورة بالمنتدى لا تعبر بالضرورة عن رأي ادارة المنتدى ولا تمثل الا رأي أصحابها فقط
منتدى عربي لكل عربي
http://www.star28.com/images/map.gif



Powerd by phpBB2 ® Ahlamontada.com
Copyright © 2008 - 2010, Jelsoft Enterprises Ltd.
by EgyCinema.forum0.net
© phpBB | انشاء منتدى مع أحلى منتدى | منتدى مجاني للدعم و المساعدة | إتصل بنا | التبليغ عن محتوى مخالف | احدث مدونتك مجانيا